ԳԵՄԱՖԻՆ ԳԱՍՊԱՐՅԱՆ / Հակա74 տռֆս

Լուսանկարը՝ Անահիտ Հայրապետյանի
Լուսանկարը՝ Անահիտ Հայրապետյանի

ես տաղանդ ունեմ,
լինում եմ այնքա՜ն մակերեսային:
***
էսօր չափածո մզելու օր է,
փեշիցս թափեմ հանգի թափորը:

***
բացել եմ արդեն երկտողի դուռը,
արանքում կորավ զիլ քառատողը:
***
լցնում եմ տաղով ձեր պատն ու հույսը,
բլոկն էլ չի փակի իմ տարտարոսը:

***
ինձ եղավ այն, ինչ լինում է,
իմ հոգին կամ ճախրում է կամ էլ ճախրում է:

***
դիմանալ, պահպանվել, համառել,
երկու օրից էլի օդ տատանել:

***
ամիս է անցել արդեն,
կոմունալ օրերն են մոտենում,
չգիտեմ ինչպես արտածել,
սերը ՀԷ ցանցերում:

***
էս երկու օրը բացել է,
գրում եմ ու էլի գրում,
ոչ ջուր է ուզում, ոչ էլ հաց,
երեխան այս քառատողում:

***
հանդիպեցի քեզ Չարենցի վրա,
արդյունքը հուզիչ էր,
չեմ որոշել՝ գրե՞լ, թե՞ չէ,
հերթական անտիպը:

***
էսօր սպառեցի էս շաբաթվա լիմիտը,
մնում է բռնեմ եկող շաբաթվա բիտը:
Պերեդոզ՝ խոկված եւ թողնված
ամեն ինչից հետո կամ էլ առաջ,
չգիտեմ թե ինչո՞ւ, ինչպե՞ս և ինչի՞ համար

***
չի բռնանում Մարդը այստեղ,
և այնտեղ էլ կարծես,
չբռնեմ բռնանամ՝ այստեղ, այնտեղ ու տենց:

***
սեր տվեք ծառին, սեր տվեք քարին,
հատկապես շանը նաև շանգյալին:
***
բարեգութ հաղորդում,
բերեց փող ու աստվածաշունչ,
թատրոնի տոմս բերեց, տորթ,
ու էլի բաներ հրաշալի,
օրինակ ի՞նչ,
եսիմ,
արդարություն բերեց, սեր բերեց,
հա, մեկ էլ պուլտով ավտո:

***
վերևի տունը երկար էր՝ կիսենք,
խասյաթ է դարձել կիսվելը,
օգնենք մերձավորին,
նրան ում չենք կարող չօգնել:

***
հանգը փախցրի,
ռիթմից էլ ընկա,
հարկը չեմ պահում,
էլ որտեղից տա՞մ:

***
գուցե խնդում եք, հա՞,
էդ էլ լավ է,
լավ է՞,
«անճար սրտի համար ծիծաղը դարման է».
Ջորջիո Արմանի:

***
ավարտել էի արդեն,
ուզածս կողքի աչք էր,
էն էլ ամաններ կան չլվացված,
ջուրն էլ կտրելու վրա,
այ սենց անխմբագիր դնեմ՝ գնա:

467 դիտումների քանակ 1 դիտումների քանակ

Մեկնաբանել և տարածել

մեկնաբանություն

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *

Դուք կարող եք գործածել հետևյալ HTML-տեգերը և ատրիբուտները. <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>