Ինձ պակասում էր գույնը / Անի Հովակ

Մասնագիտությամբ երաժիշտ Անի Հովակիմյանը ինչպե՞ս դարձավ նկարիչ, կոլաժիստ Անի Հովակ: Ե՞րբ որոշեցիր զբաղվել նկարելով:

Չորս տարի զբաղվում եմ նկարչությամբ: Ավարտել եմ Կոնսերվատորիան, ֆլեյտահար եմ, «Հովեր» երգչախմբում եմ երգում, «Զանգակներ» խմբում եմ նվագում: Չեմ կարող պատասխանել ինչու սկսեցի նկարել, գուցե ինձ պակասում էր գույնը: Եվ դրա համար օգտագործեցի այն, ինչ ընկավ ձեռքիս տակ:

Ժամանակակից արվեստում ի՞նչն է առաձնացող քեզ համար:

Ժամանակակից արվեստից աշխատում եմ տեղեկացված լինել՝ ավելի ինքնամփոփ եմ, ինքս իմ մեջ փակված ստեղծում եմ այն ինչ գալիս է իմ ենթագիտակցությունից:

Ինչո՞ւ ձուկ, ինչո՞ւ ձկան ֆորման:

Գուցե ենթագիտակցության ազդակներն են, որ պետք է օգտագործեմ: Ես հավատացյալ մարդ եմ, քրիստոնյա: Բայց ուզում եմ հոգեբաններն ու արվեստաբանները պատասխանեն այդ հարցին, իրենք վերլուծեն: Ի վերջո, ոչինչ հենց էնպես չի լինում: Գուցե ես պետք է ասեմ բաներ, փոխանցեմ զգացողություններ, որն անում եմ հենց ձկան նման, համրությամբ, ու իմ փոխարեն խոսում են ստեղծագործությունները, որոնք ցուցադրված են այստեղ:

Որքա՞ն ժամանակում է ստեղծվում աշխատանքը:

Անհամբեր եմ, շատ անհամբեր, ամենաշատը՝ մեկ-երկու օր, մի ժամ, երկու: Միտքը երկար չեմ կարող պահել: Պետք է արագ իրականացնեմ:

Ցուցահանդեսը հեքիաթներ վերադարձնող հատկություն ուներ:

Իր մեջ մանկական նաիվություն կա, որը ես վախենում եմ կորցնել, շատ խորանալուց վախենում եմ կորցնել: Ես իմ միջի Անիին էլ եմ վախենում կորցնել: Ափսոսանք չէ, պարզապես չեմ ուզում կորցնել, որովհետև էս շտապող իրականության մեջ հնարավոր է կորցնես էդ հեքիաթը: Մարդկանց միջի աղմուկը կարող է կորցնել էդ հեքիաթը: Դրանից շատ եմ վախենում:

Անի Հովակ-1 Անի Հովակ-2 Անի Հովակ-3

1609 դիտումների քանակ 1 դիտումների քանակ

Մեկնաբանել և տարածել

մեկնաբանություն

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *

Դուք կարող եք գործածել հետևյալ HTML-տեգերը և ատրիբուտները. <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>